Sisimiuni Kulturikkut Illorsuarmi Pisortaq
Sisimiut
Piginnaasatit aammalu pikkoriffitit malillugit illiua kulturikkut illorsuarmi Taseralimmi pisortassaq? Ineriartortitseqqinnissamut aammalu pilersaarutaasunik piviusunngortitsinissamut aqqutissiussisussaq? Takorluuisinnaasuuit, aammalu ineriartortitsinissamut siuarsaaqataarusussuseqarluartuuit pitsaasumik siunertaqarluarlutit kulturikkut illorsuarmi Taseralimmi ingerlatitsinissamut? Taava illerpiaasimassaaq atorfissaqartitarput!
Kulturikkut Illorsuaq Taseralik sisimiup kulturikkut illorsuaraa, kulturikkut sammisunik aaqqissuussanik aammalu illorsuarmi avataanit attartortitsinerit ingerlanneqartarnerisigut imaqartunik ilaatigut aaqqissuussani biograf/filmertitsinerit, innuttaasunik ataatsimiisitsinerit, oqalugiarnerit/saqqummiinerit, ataatsimiisitsinerit, pikkorissarnerit, workshopeqartitsinerit, qaaqqusiffittut atorneqartarnera, kaffillernerit, nalliuttorsiorfinni aaqqissuussaqarnerit, tusarnaartitsinerit minnerunngitsumillu eqqumiitsuliortunit assigiinngitsunit eqqumiitsuliaannit saqqummersitsinerit. Kulturikkut illorsuaq pingaarutilimmik suliassaqarpoq illoqarfitsinnut sunniuteqaqataasartunit.
Pisortap suliassai:
Pisortaq aqutsinermi aammalu kulturikkut aaqqissuussinermi suliaqarnermi ingerlatitsinermilu akisussaaffeqarpoq, pingaarnertullu akisussaaffik siammasissumik kulturikkut pingaartitatsinnik tigummisuuvoq. Pisortap suliassaasa ilagaat allaffissorneq aammalu aningaasaqarnikkut annertuumik akisussaassuseqarnissaq, isumannaartussaatitaallugulu aaqqissuussisimanerup aammalu ulluinnarni ingerlatitsinermi suliaqartussaaneq, tamannalu malittarisassat aammalu ingerlatitsinermi isumaqatigiissutip Qeqqata Kommuniata piumasaqaataa malillugu ingerlatitsisussaaneq.
Aqutsinermut tunngatillugu suliasssat:
- Kulturikkut illorsuup suliffittut ilusilersornissaanut pitsaasiumik siunertaqarluarluni kulturikkullu pitsaasumik angusaqarluarnissamut pingaartitsinissaq
- Kulturikkut suliassat sammisallu tunngavigalugit suliaqarluarsinnaanissaq aammalu unammillernarsinnaasutigut aammalu siunnersueqatigisartakkatut pileqqaarneranilu aqutsinissamut aammalu inaarsaanissamut pingaartitsinissaq
- Aqutsinermi misilittagaqartuunissaq imaluunniit naleqquttumik assingusumilluunniit misigilittagaqartuunissaq aammalu allaffissornikkut aammalu aningaasaqarnikkut aqutsinermi piginnaaneqartuunissaq
- Pilersaarusiatigut ilimaarinnillunilu ingerlatitsisinnaaneq aammalu erseqqissunik anguniagassiisinnaanissaq, pilersaarusiorsinnaanissaq aammalu sulianik naammassinnissinnaaneq piviusunngortitsisinnaanissarlu
Piginnaasaqarfigisassatit:
- Aqutsilluartuunissamut aammalu suleqatigiilluarsinnaanissamut pingaartitsisuunissaq
- Tatiginnissusermik aammalu ataqqinninnermik pingaartitsisoq
- Isummersuisoq aammalu sulisutigut isumassuisuunissaq
- Sapiissuseqarluartuunissaq siammasissumik suleqateqarsinnaanissamut oqartussanut attuumassuteqartunullu
- Nukinginartunut suliassatigut nukittuujunissaq eqqissisimasumillu tigusisinnaanissaq
- Tusarnaarluarsinnaanissaq, isumassarsititsisinnaaneq aammalu ineriartornissamut nutaaliornissamullu kajummissaarisinnaanissaq
Akissarsiat aamma atorfeqarnermi atugassat:
Akissarsiat aamma atorfeqarnermi pissutsit, atorfininnermi soraarnermilu angalasinnaatitaaneq kiisalu pequtit nuunneqarneri pillugit Taseraliup siulersuisui isumaqatigiinniussisinnaatitaasup akornanni atorfininnerup nalaani isumaqatigiissutaasut atuuttut naapertorlugit tamakkua isumagineqassapput.
Pineqaatissinneqarsimannginnermut uppernarsaat kiisalu meeqqanut pinerliisimanngiinermut uppernarsaat takutinneqarpat atorfinninneq pissaaq.
Atorfimmut tunngatillugu inissaqartitsisoqarpoq, taamaammat malittarisassat atuuttut naapertorlugit depositumimmut / inimut akiliuteqartarnerit pisassapput.
Atorfik inuttassarsiorneqartoq inuttalerneqalereersimassaaq 1.februar 2025. Pisortatut atorfinittussaq periarfissinneqarumaarpoq pilersaarusiornissamut aammalu suliaqarnissamut tunngasunik ingerlatitsinissamut aammattaarlu ukiup nutaamut pilersaarutaasunut tunngatillugu pilersaarusiorsinnaanissamut.
Qinnuteqarneq aammalu sukumiinerusumik paasissutissat:
Qinnuteqaatit ilinniarsimanermik siusinnerusukkullu suliffigisimasanik paasissutissartallit, ilinniarsimanermik uppernarsaatip assinganik ilalerlugit mailimut uunga: ceo@taseralik.gl nassiutereerneqassapput ikingusinnerpaamik 10.januar 2025
Atorfik pillugu itinerusumik paasisaqarnerorusukkuit Taseraliup Siulersuisuini Siulittaasoq Rasmus Frederiksen, oqarasuaat angallattagaq: +299 59 71 55 imaluunniit mailimut ceo@taseralik.gl-mut saaffiginnilluni pissarsiarineqarsinnaapput.