Atorfiit.com suliffeqarfiuvoq namminersorsortoq Kalaallit Nunaanni angerlarsimaffeqartoq, Atorfiit.com pingaartippaa suliffeqarfiit Kalaallit Nunaanniittut nunatsinneersumik sullinneqarnissamik periarfissaqartissallugit.

Suliffeqarfiit suulluunniit angissusaat sumillu suliaqarnerat apeqqutaatinnagit sullissisisarpugut suliffeqarfiup pisariaqartitai aallaavigalugit sullissinerput naleqqussartarparput.

Suliagut

Kalaallit Nunaanni suliffeqarfiit atorfinnik inuttassarsiuineranni atorfinnillu nutaanik pilersitsinerani sulilertussamik eqqortumik nassaarnissaannut siammarterinikkut ikiuuttarpugut, siammasissumik nittarsaassinermi ikiuunnitsinni nammineq nittartakkatta saniatigut inunnut attaveqatigiittarfiit (socialmedie) atorlugit siammarterineq ingerlattarparput, taamaasilluta atorfiit inuttassarsiorneqartut inunnit amerlasuunik takuneqarnissaat aammalu inuit atorfimmut inuttassarsiuunneqartumut naleqquttut qinnuteqarnissaat qulakkeeqataaffigisarparput.

Suliffeqarfiit kikkunnit tamanit ilisimanerulerneqarnissaannik periarfissaqartitsivugut, suliffeqarfiit assigiinngitsut Atorfiit.com iluani namminerisaminnik qupperneqarsinnaanerannik periarfissaqartippagut, suliffeqarfiit namminneq oqariartuutigerusutaannik, ussassaarinerannik saqqummiukkusutaannillu siammarterineranni ikiuuttarluta.